خلیل حقانی ووژل شو !

ویل کیږی چی د طالبانو او حقانی شبکی یو مخور چارواکی چی خلیل الرحمن حقانی نومیده او په خټه ځدراڼ اود مجاهدینو د یوه لوی قوماندان مولوی جلال الدین حقانی ورور ګڼل کیده نن د طالبانو د کډوالو چارو په وزارت کی دیوی چاودنی په پایله کی ووژل شو .خلیل حقانی کله چه طالبانو پر کابل ؤلکه کړی وه نو د پاکستان د پخوانی لومړی وزیر عمران خان لخوا ورته د پاکستان په پیښور ښار کی یوه غونډه جوړه شوه او د دوحی د تړون پر خلاف یی د حقانی شبکی جنګیالی وهڅول تر کابل ته ور دننه شی او د تړون پر خلاف د قدرت واکی په لاس کی واخلی نو د خلیل حقانی په مشرې یوه څوسوه کسیزه کاروان سره چی پاکستانی اود حقانی شبکی جنګیالی پکی شامل ؤ پر کابل وردننه شول او سم دلاسه یی د کابل له ښاریانواو د ټول افغانستان له اوسیدونکو له طالبی امارت سره چی هیچا هم په سترګو نه دی لیدلی د یوه غائیبانه بیعت آخستل پیل کړل تردی چی په ډیره مبالغه آمیزه توګه به یی له طالبانو سره د هغه چا دبیعت خبره هم کوله چی د افغانانو خواخوږی او د هیواد څخه ددفاع اهرمونه او څلی ګڼل کیدل    .

داسی راپورونه هم خپاره شوی ؤ چی نوموړی خلیل حقانی د ارګ په مینځ کی له قندهاری ملا عبدالغنی برادر سره هم د واک پر سر لاس او ګریوان شوی ؤ . خو واقیعت دادی چی ملا غنی برادر د پاکستانی او امریکاېی جاسوسی شبکو لخوا ارک ته رالیږل شوی ؤ او خلیل حقانی د حقانی شبکی چی د عمران خان او د پاکستان د نورو استخباراتی سازمانونو له ملاتړڅخه برخمن پر ارګ ماڼۍ د منګولو لګولو هوډ درلود .په هرحال اوس چی په نړی او ځانګړی توګه د امریکا په متحدو ایالاتو کی د اقتصادی ګټو پرمحورځواکونه واک ته په رسیدو دی نو کیدای شی دا ډول وژنی د دطالبانو د واکمنې د راپرزیدو پیل وی ..بل لورته دطالبانو د امارت په نوم پاڼه کی د خلیل الرحمن حقانی وژنه د تل په څیر د خوارجو کار بلل شوی دی او زیاته کړی ده چی الحاج خلیل الرحمن حقاني د الله تعالی د لارې یو ستړی مجاهد و چې ټول عمر یې د الله تعالی له دین څخه د دفاع په لاره کې په جهاد، مهاجرت او ستړیاوو کې تیر کړی و، نوموړی د یوې لوی جهادي کورنۍ غړی و چې د اسلام د دښمنانو لخوا یې په سر ۵ میلیونه ډالره جایزه ټاکل شوې وه.خو متأسفانه نن د هغو خوارجو لخوا په شهادت ورسید چې ځانونه مسلمان بولي او ما سوا له ځان څخه نور مسلمانان تکفیروي.