وب سایت نواندیشی به ویب سایت خبری تحلیلی نواندیشی خوش آمدید
له کوزې پښتونخوا څخه رارسیدلی خبرونه وایی چی له ټولی کوزی پښتونخوا څخه اولسونه چی په خپل لګښت یی لاری وهلی د خیبر پښتونخوا په لور راروان دی او غواړی ټولو د وخت ظالمو قوتونو ته دا ؤښاېی چی که انسان ؤغواړی او په خپل ځان کی بدلون راولی او هغه ټولی د قدرت اوثروت غریزی مهار کاندی نو کولای شی دتاریخ یو ځلانده باب جوړ کړی .ترټولو جالبه او له خندا ډکه برخه یی داده چی کله هم د اسلام آباد واکمنانو داؤپتیله چی ددغه سره سیلاب مخه نیول آسان نه دی نو ژراو په بیړه سره یی د مرکزی او صوبه ایی حکومتونو اعلی چارواکی پیښور ته را ولیږل او د پښتون ژغورنی غورځنګ له مشرانو سره یی د دغه جرګی د څرنګوالی په باب د خبرو غوښتنه وکړه دا په داسی حال کی ؤ چی د پکستان د کورنیو چارو وزارت د یوی رسمی اعلامیی په خپرولو یی د پښتون ژغورنی تحریک نا قانونه ګرځولی او ددغه غورځنګ په هلو ځلو یی بندیز لګولی ؤ . خو وروسته په ناچاری سره د خیبرپښتونخوا د اعلی وزیر امین ګنډاپور په ګډون ددغه ایالت ګورنر فیصل کریم کونډی سره یوځای د پاکستان د کورنیو چارو وزیر محسن نقوی او نور چارواکی د غورځنګ له مشر منظور پښتون چی په محلی لهجه یی پشتین بولی سره ولیدل او د پاکستان دډان ورځپاڼۍ په قول
پریکړه وشوه چی له دغه غونډی له پای ته رسیدو وروسته به هغه پریکړه چی دهغه له مخی یی د غورځنک پر هلوځلو بندیز لګولی او د تروریزم په تورلست کی آچولی ؤ بیرته آخلی او په مقابل کی د غورځنګ مشرانو دا هم ؤ منله چی دافغانستان جنډه به نه پورته کوی . اوپه دی توګه په زرګونه ځوانان چی د ځان ساتنی په موخه یی یوازی کوتکونه پر لاس ؤ پیښور ته نږدی د جمرود په سیمه کی دهغه خیمو پر لور را روان ؤ چی هلته د پښتنو د حقوقو د تحفظ غورځنګ ترانی ویل کیدی . کیدای شی سبا به چی د غونډی دویمه ورځ ده په رسمی توګه خپل کار پیلوی .دلته دهغه ضرور ټکی یادونه کوو چی ددغه غونډی په هکله د افغانستان ځینو باګیل شویو د تیرجمهوری اسلامی دولت ځینو فاسدو چارواکو هم په خپل وارسره ددغه غورځنګ څخه د ملاتړ اعلان کړی دی . چی دا شانی پوقانه ایی ملاتړی نه یوازی ددغه او نورواصیلوملی غورځنګونو د قدرت په معنا نه دی بلکه که چیری ددوی پر ملاتړ حساب پرانیستل شی نو ترټو لومړی د همدوی غرض آلوده ملاتړ د زوال سبب جوړیدی شی .
