گـزیده اخبــار
خانه » اجتماعی » د “زاغ خیلوال “داستدلال ډېپلوماسی!
د “زاغ خیلوال “داستدلال ډېپلوماسی!

د “زاغ خیلوال “داستدلال ډېپلوماسی!

nauandeshi Peshawar 09

 

د نواندیشی یادونه  : د اشرف غنی او عبدالله په مشرې د ملی وحدت د حکومت پر جوړیدود افغانانوپه زړونو کی داسی هیلی را ټوکیدلی وی چی ګنی که نور هیڅ نه وی نود افغانستان لمن خوبه د غلو او داړه مارانو څخه پاکه کړی ، خو د ددغه په اصطلاح ملی حکومت په لومړیو ورځوکی ؤښودل شوه چی نه قیصه بل شانی روانه ده او غله لاپسی شتمن او بډایه کیږی او د غلی ، چور ، چپاؤل زمینه ورته برابریږی ، ځکه د نړې ددویم متفکر والاحضرت   محمد اشرف خان غنی په لومړیو فرمانونو کی د عمر زاخیلوال چی د افغانستان په محکمو کی د سلګونو میلیونو ډالرو په اختلاس او غله تورن دی د خپل اقتصادی عالی سالاکار په توګه وټاکه .

او دادی اوس یی په پاکستان کی د افغانستان د استازی توب دنده ورته سپارلی ده . کیدای شی دابه د افغان مقدس جهاد په بهیر کی د پاکستان او کاناډا د هغی مشترکی څارګرې برکت وی چی ښاغلی زاخیلوال یی «زاغ خیلوال !! »جوړکړی ؤ او اوس هلته د ستدلال دډیپلوماسی تر شعار لاندی چی یوازی دغه کلیمه د «زاغ خیلوال !! » د ناروغ ذهن محصول دی او په سیاسی او حقوقی ادبیاتو کی ځای نلری له پاکستانی پخوانیو کوربه والو سره د افغانستان د استازی په توګه خبری کوی .!! آزادی رادیو له دغه ښاغلی سره یوه ځانګړی مرکه کړیده چی دادی دغه مرکه تر تاسو هم در رسؤو .

 

نواندیشی پیښور : د پاکستان لپاره د افغانستان نوی ټاکل شوی سفیر عمر زاخېلوال وايي؛ د استدلال ډېپلوماسۍ له لارې به اسلام اباد قانع کوي چې د افغانستان سوله او ثبات یې په ګټه دي.زاخېلوال په چارسده کې پر باچا خان پوهنتون د وروستي برید په اړه وویل؛ هر افغان که هر ډول دریځ ولري، د باچا خان په نوم پر جوړ شوي ځای د برید کولو فکر هم نه شي کولای.زاخېلوال زیاته کړه چې یوازې د سفیر په توګه اسلام اباد ته نه ځي؛ بلکې له پوره صلاحیت سره ورځي او هیله من دی چې هڅې به یې نتیجې ورکړي.”د افغان حکومت او طالبانو ترمنځ د سولې پروسه په فشار پرمخ نه شي تلای؛ بلکه اسلام اباد ته باید قناعت ورکړ شي چې له دې بهیر سره همکاري وکړي.”عمر زاخېلوال ازادي راډیو ته وویل چې په اسلام اباد کې د سفیر په توګه د کار یو عمده هدف یې پاکستاني لوري ته د دې څرګندول دي چې د کابل له لوري هېڅ کله پاکستان ته ګواښ نه دی پيښ شوی او په افغانستان کې سوله د پاکستان په ګټه ده.

ټاکل شوې چې له طالبانو سره د حکومت د رسمي مذاکرو د بیا پیل په اړه؛ درېیمه غونډه د فبرورۍ په ۶مه په اسلام اباد کې وشي. په دې خبرو کې د افغانستان، پاکستان، امریکا او چین استازي برخه لري.عمر زاخېلوال پرون وویل چې پاکستان باید د خپلو ګټو د خوندي کولو لپاره د افغانستان د سولې د بهیر ملاتړ وکړي.”افغانستان به دا قناعت ورکوي چې یو ارام افغانستان، سوله ایز افغانستان او مستقل افغانستان د دوی په ګټه دی، په تاوان یې نه دی. د افغانستان ارامي، د پاکستان د ارامۍ او اطمئنان سبب کېدلای شي. د دوی ملي ګټې د افغانستان په سوله کې خوندي دي.نو زما زیات تمرکز به په دې وي او هغوی ته د خپلو ګټو په خاطر قناعت ورکول په کار دي چې د افغانستان د سولې او د سولې د بهیر ملاتړ وکړي.”په چارسده کې پر باچاخان پوهنتون تر وسله والې حملې روسته؛ پاکستاني چارواکو ادعا وکړه چې حمله دافغانستان له خاورې پلان شوې وه. خو د افغانستان د بهرنیوچارو وزارت یې ادعاوې رد کړې او پر پاکستان یې ږغ وکړ چې په دې اړه اسناد او شواهد ورته وړاندې کړي. ښاغلي زاخېلوال وویل چې د افغانستان او پاکستان د اړیکو د بهتره کولو لپاره هڅو ته به، په خپل کار کې لومړیتوب ورکړي.”زه یقین لرم چې پاکستانیان په دې پوهیږي چې اول د افغانستان حکومت نه توان لري او نه یې په دې کې ګټه ده چې زموږ له خاورې دې د هغوی پر خاوره د داسې تروریستي حملې حمایت وشي.بیا پر داسې پوهنتون چې هغه د باچا خان په څېر د یوه شصخیت تر نوم لاندې دی؛ حمله د هېڅ افغان لپاره، که په هر موقف کې وي او هر هدف ولري؛ د درک وړ نه ده.”د پاکستان لپاره د افغانستان نوي ټاکل شوي سفیر زیاته کړه چې په قبایلي سیمو کې د پوځي عملیاتو له پيل سره سم؛ ګڼ شمېر پاکستاني طالبان افغانستان ته اوښتي او د دواړو هېوادونو امنیت ته یې ګواښ پيښ کړی دی:”موږ وایو چې د پاکستاني پوځ د عملیاتو په پایله کې پاکستاني طالبان، له کونړه نیولې تر زابله افغانستان ته اوښتي دي؛ خو په هغو سیمو کې دي چې د حکومت تر ولکې لاندې نه دي او مخالفین فعال دي. نو پر پاکستان زموږ د فشار هدف همدا دی چې د داسې فضا ملاتړ دې نه کوي چې هغه په افغانستان کې دننه د ناامنۍ او له افغانستان په پاکستان کې د نا امنۍ باعث شي.” زاخېلوال څرګنده کړه چې د دواړو هېوادونو ترمنځ د باور زیاتولو لپاره؛ باید پاکستان د افغانستان د سولې ملاتړ وکړي او افغانستان باید پاکستان ته په قوي استدلال، اسنادو او شواهدو د دې اطمئنان ورکړي.

جوابی بنویسید

ایمیل شما نشر نخواهد شدخانه های ضروری نشانه گذاری شده است. *

*

بالا